چاہے کوئی ٹیکس کے دائرے میں آتا ہے یا نہیں 50 ہزار سے زائد رقم نکلوانے پر 0.6 فیصد ٹیکس ادا کرے گا
اسلام آباد: نان فائلرز کی جانب سے ایک ہی دن میں، کریڈٹ کارڈز/اے ٹی ایم کے ذریعے 50,000 روپے سے زائد کی رقم نکالنے پر بھی 0.6 فیصد ودہولڈنگ ٹیکس عائد ہوگا۔
2023 کے انکم ٹیکس سرکلر 2 کے ذریعے، فیڈرل بورڈ آف ریونیو(ایف بی آر)نے انکم ٹیکس آرڈیننس، 2001 میں فنانس ایکٹ 2023 کے ذریعے کی گئی اہم ترامیم کی وضاحت کی ہے۔
فنانس ایکٹ 2023 نے بینکوں کے ذریعے غیر اے ٹی ایل افراد سے کیش نکالنے پر ٹیکس وصولی کے لیے ایک نیا سیکشن 231AB متعارف کرایا گیا ہے، جس کے تحت ہر بینکنگ کمپنی کو ہر اس شخص سے نقد رقم نکالتے وقت زیرو اعشاریہ چھ فیصد کے حساب سے ایڈوانس ٹیکس کاٹنا ہوگا جس کا نام ایکٹو ٹیکس دہندگان کی فہرست میں ظاہر نہیں ہو رہا -یہ کٹوتی ایک ہی دن میں 50,000 روپے سے زیادہ رقم نکالنے پر ہو گی۔ ایف بی آر نے واضح کیا کہ کریڈٹ کارڈز یا اے ٹی ایم سے کیش نکالنے والوں پر بھی یہ فیصلہ لاگو ہو گا۔
ایف بی آر نے مزید کہا کہ اگر ایک دن میں نکالی گئی نقد رقم کی مجموعی رقم 50,000 روپے سے زیادہ ہے تو نکالی گئی تمام رقم پر ٹیکس کاٹنا ضروری ہے۔
نقد رقم نکالنے پر ود ہولڈنگ ٹیکس ایک ٹیکس سال کے لیے شخص کی ٹیکس ذمہ داری کے خلاف ایڈجسٹ ٹیکس ہے۔ وفاقی یا صوبائی حکومت کی طرف سے نکالی جانے والی رقم پر ٹیکس نہیں کٹے گا۔ ایک غیر ملکی سفارت کار یا پاکستان میں سفارتی مشن؛ یا کوئی شخص جو کمشنر سے سرٹیفکیٹ پیش کرتا ہے کہ ٹیکس سال کے دوران اس کی آمدنی مستثنیٰ ہے
ایف بی آر نے کہا کہ سیکشن 236Y فنانس ایکٹ 2022 کے ذریعے متعارف کرایا گیا تھا، جس کے تحت ڈیبٹ،کریڈٹ کارڈ کے ذریعے ادائیگی کرنے والے رہائشیوں کو ATL افراد کے لیے 1 فیصد اور غیر ATL افراد کے لیے 2 فیصد ودہولڈنگ ٹیکس کی شرح سے مشروط کیا گیا تھا۔
غیر مقیم افراد کو یہ ادائیگیاں ملک سے زرمبادلہ کے اخراج پر کافی اثر ڈالتی ہیں۔ ایف بی آر نے مزید کہا کہ زرمبادلہ کے ذخائر کے غیر ضروری اخراج کی حوصلہ شکنی کے لیے فنانس ایکٹ 2023 کے تحت سیکشن 236Y کے تحت ود ہولڈنگ ٹیکس کی شرح ATL افراد کے لیے ایک فیصد سے بڑھا کر 5 فیصد اور نان ATL افراد کے لیے 2 فیصد سے بڑھا کر 10 فیصد کر دی گئی ہے۔