چندریان 3 روور اور لینڈر، سلیپ موڈ میں ہیں اور ، ستمبر کے آخری عشرے میں دوبارہ، ایکٹو موڈ میں آئیں گے۔
ہندوستان کی چندریان 3 ، چاند گاڑی (قمری روور) اور لینڈر نے اپنے، بنیادی مشن کے اہداف کو مکمل کر لیا ہے اور اب، دو ہفتوں پر مشتمل قمری رات بسر کر رہے ہیں۔ انڈین سپیس ریسرچ آرگنائزیشن (اسرو) کو امید ہے کہ، سورج کے چاند کے جنوبی قطب پر دوبارہ طلوع ہونے پر ،ان کی دونوں خلائی گاڑیاں، دوبارہ بیدار ہو کر ،اپنے کام میں مصروف ہو جائیں گی۔
چندریان 3 مشن نے چاند کے اس امید افزا علاقے کی ریسرچ میں، دو ہفتوں سے تھوڑا کم وقت گزارا جہاں، مستقل طور پر سایہ دار گڑھوں کے اندر ،منجمد پانی کے ذخائر موجود ہوسکتے ہیں۔جنھیں چاند کے ساؤتھ پول ریجن کا پہاڑی خطہ اور، غیر متوقع روشنی پگھلنے سے بچائے ہوئے ہے۔
اتوار، 2 ستمبر کو، اسرو نے اعلان کیا تھا کہ چندریان-3 کے پرگیان روور نے اپنی اسائنمنٹس مکمل کر لی ہیں اور اس کے سائنسی آلات کو بند کر کے اسے "سلیپ موڈ میں سیٹ” کر دیا گیا ہے۔
"فی الحال، بیٹری پوری طرح سے چارج ہے،” اسرو نے ایکس (سابقہ ٹویٹر ) پر ایک پوسٹ میں بتایا کہ، سولر پینل 22 ستمبر 2023 کو متوقع اگلے طلوع آفتاب کے وقت روشنی حاصل کرنے کے لیے تیار کیا گیا ہے اور اس کا ریسیور آن رکھا گیا ہے۔
وکرم لینڈر، جس نے پرگیان کو چاند کی سطح پر پہنچایا اور اپنی سائنسی مہم چلائی، پیر، 4 ستمبر کو شمسی توانائی ختم ہونے اور بیٹری ختم ہونے کے بعد 2 ستمبر سے سوئے ہوئے پرگیان کے پاس ہی سو گیا۔ ان کے بیدار ہونے کی امید، 22 ستمبر 2023 کو چاند کے نئے دن کے نمودار ہونے پر متوقع ہے۔
سونے (سلیپ موڈ)سے ٹھیک پہلے، لینڈر نے پہلے سے سوئے ہوئے پرگیان روور کے قریب، مختصر طور پر اپنے تھرسٹرز کو تقریباً 16 انچ آگے بڑھاتے ہوئے، ایک مختصر ہاپ ایکسپیریمنٹ کا مظاہرہ کیا ۔ اس ہاپ کو مستقبل کے نمونے کی واپسی کے مشن کے ٹیسٹ کے طور پر دیکھا جا سکتا ہے جسے چاند کی سطح سے لانچ کرنے کی ضرورت ہوگی۔
اسرو نے کہا کہ ، لینڈر نے چاند کی سطح پر ،لگاتار دوسری سافٹ لینڈنگ کی۔ اسرو کی کمانڈز کے ذریعے ، اس نے انجنوں کو چلایا ، توقع کے مطابق خود کو تقریباً 40 سینٹی میٹر بلند کیا اور 30 سے 40 سینٹی میٹر کی دوری پر محفوظ طریقے سے اترا۔
چندریان 3 بدھ، 23 اگست کو چاند پر اترا۔ پرگیان روور ایک دن بعد وکرم لینڈر سے اترا اور اس کے بعد سے چاند کی سطح کے 330 فٹ سے زیادہ کا فاصلہ طے کر چکا ہے۔ مشن شروع ہونے کے بعد سے، اسرو کے سائنسدانوں نے چندریان کے ذریعے، مختلف قسم کی پیمائشیں وصول کی ہیں جن میں ،چاند کی سطح کا کیمیائی تجزیہ، سطح ریگولتھ کے اوپری 4 انچ کا درجہ حرارت کا پروفائل اور ،چاند کی سطح کے اوپر موجود نازک پلازما کی پیمائشیں شامل ہیں ۔
ہندوستان نے اس سے قبل 2019 میں، چندریان تین کے پیشرو چندریان دو کے ساتھ ،چاند پر اترنے کی کوشش کی تھی۔ تاہم اس مشن کا لینڈر، سافٹ ویئر کی خرابی کی وجہ سے، گر کر تباہ ہو گیا تھا۔ چاند پر اترنا ہمیشہ سے انتہائی مشکل کام رہا ہے۔ اب تک صرف چار ممالک جن میں، امریکہ، روس، چین اور ہندوستان شامل ہیں نے ، یہ کارنامہ سر انجام دیا ہے۔ چندریان 3 کی کامیابی سے صرف تین دن پہلے، روس کا لونا-25 مشن ایک خراب مداری پنیترا لینے کے دوران، چاند کی سطح پر گر کر تباہ ہو گیا تھا۔ اس سال کے شروع میں، جاپان میں قائم اسپیس نامی کمپنی کے زیرانتظام، ہاکوٹو آر خلائی جہاز، چاند پر لینڈنگ کے دوران، ایک گڑھے کے کنارے سے ٹکرا گیا۔
مستقبل میں، ناسا کے زیرقیادت آرٹیمس 3 مشن، چاند کے جنوبی قطبی خطے میں اترنے کا ارادہ رکھتا ہے۔ یہ 1972 کے آخری اپولو مشن کے بعد، چاند پر اترنے والا ،پہلا انسانی مشن ہو گا۔ مستقل طور پر سایہ دار گڑھوں میں ،پانی کے ذخائر اس علاقے کو ،چاند پر بیس کیمپپ قائم کرنے کے لیے ،پرکشش بناتے ہیں، کیونکہ اس پانی کو نکال کر پینے کے ساتھ ساتھ، خلابازوں کے لیے آکسیجن بنانے کے لیے استعمال کیا جا سکتا ہے، جس سے چاند پر اڈے کو برقرار رکھنے کے، اخراجات میں، کافی حد تک کمی آئے گی۔ .